Davao City – Nadakpan sa kapulisan dinhi sa Dabaw ang suspek nga si Christian Penias, lumad nga taga Agusan del Sur, gipasanginlan kini nga namaligyag kinawat nga laptop ngadto ra sab sa iyang gikawatan.
Giposasan dayon sa mga operatiba sa Sta Ana PNP ang suspetsado atol sa entrapment operation kagabii sa OsmeƱa Park human nga nakigkita sa complainant nga si Roland Piramide Sia, 34 anyos kanhi overseas filipino worker ug lumad taga Maasin Veruela Agusan del Sur.
Nasayran nga niadtong August 18 ning tuiga, nagpatala si Piramide sa Sta. Ana PNP kay matud pa, gikawat ang iyang laptop kantidad 24,000 mil ug cellphone balor 32 mil pesos sa usa ka wala mailhing lalake.
Dihang nag-scan siya sa mga online store aron mopalit na lamang ug 2nd hand nga laptop, nabantayan ni Piramide nga dunay namaligya og kaparihas gyud sa nakawat nga laptop ug mas barato ang presyo. Sa nakonpirma nga iya ang laptop nga gibaligya, nagtakoban kini sa lahi nga account ug nakigtransak sa suspek nga magkita sila sa OsmeƱa Park sa dalang San Pedro ning syudad aron kunuhay paliton ang laptop.
Walay kasayuran ang maong suspek nga duna nay coordination ang maong biktima sa kapolisan hinungdan nga malampuson nga nasikop ang suspetsado.
Narekober gikan kang Penias ang usa ka laptop nga gikonpirma sa tag iya nga iya ang maong butang. Gikustodiya na sa Sta Ana PNP ang dinakpan.
Kasamang Paul Canono
