Davao City – Nigawas sa imbestigasyon ni SFO1 Genesis Sitcharon, imbestigador sa Bajada Fire Station, nga nag-overheat nga fluorescent light ang hinungdan sa sunog nga mitungha sa usa ka bodiga sa establisemento nga nahimutang sa 3rd floor sa Gaisano Mall (GMall) sa Bajada, Davao City, alas 6:08 sa gabii niadtong Sabado, Setyembre 6, 2025.
Base sa report sa Bajada Fire Station, ang maong sunog miabot og first alarm apan nadala dayon sa fire under control alas 6:25 sa gabii tungod sa paspas nga pagresponde sa mga sakop sa Bureau of Fire Protection (BFP) ug mga fire volunteers.
Gideklarang fire out ang sunog alas 6:47 sa gabii ug wala’y natala nga kaswalti o nasamdan atol sa insidente.
Sa pagkakaron, padayon pa ang imbestigasyon sa Bajada Fire Station aron mahibal-an ang kantidad sa danyos nga hinungdan sa sunog.
RadyoMaN Don Pulayao
Facebook Comments
