Pilas sa kamot kag dughan ang naangkon sang construction worker nga si John Francisco Sioson, 28 anyos, soltero kag residente sang Zone 3, North Baluarte Molo matapos gin buno sang iya abyan nga isa ka pintor nga gin kilala sa kay Ranilo Bajon, 34 anyos, soltero kag residente man sang amu nga lugar bangud sa pag pangimon.
Sa panaysayon ni SPO2 Romelo Tabuyoc, imbestigador sang Molo PNP nga naga inom inom ang 2 upod ang ila abyan sang mag labay ang isa ka matahum nga dalaga.
Nakursunadahan sang pintor ang dalaga apang bangud may edad ini sang gamay, wala ini magustuhan sang babaye sa baylo nag palapit ini sa iya abyan nga construction worker nga 28 anyos kag nag uru istorya.
Bangud dikit kag medyu sweet, nangimon ang pintor kabangdanan ini ang nag tindog sa iya gina pungku.an, gin buka ang botelya sang ila ilimnon kag gin hangkat tapungulay ang iya abyan nga naga istorya sa babaye kag gin handos sini ang abyan sa kamot kag sa dughan.
Depensa sang biktima nga gina lakad nya tani ang babaye sa suspek apang na misinterpret ini sang suspek kag sya ang gin buno.
Preso karun sa Molo PNP ang pintor kag wala gin pasensya ni construction worker.
