Nag-uban og inom / Suspek sa kasong pagpanglugos sa single mom, gisikop

73
PC: RadyoMaN Jonathan Bullo

Gisikop sa kapulisan sa Agora Police Station mga ala 1:30 kagahapon sa hapon ang usa ka lalaking suspek sa kasong pagpanglugos sa usa ka single mom.

Suspek mao ang 17 anyos nga taga Purok 2-A, Barangay Gusa ning syudad.

Nasayran nga sa wala pa nahitabo ang krimen, nag-uban og inom ang biktima ug suspek uban sa lain pang mga babaye ug lalaki niadtong Sabado sa tungang gabie sa Corrales Street.

Human nag-inom, uban nga misakay ang biktima ug suspek sa motorcycle for hire paingon sa Gusa diin nahitabo ang krimen.

Sa karon, ang biktimang usa ka 18 anyos nga taga Barangay Camaman-an ang nagpaalim pa sa ospital tungod sa naangkong mga bun-og, pangos ug nihubag ang dagway human gikulata sa suspek kay nisukol.

Facebook Comments