Davao City – Gibutyag sa matag lokal nga gobyerno sa Davao del Sur ang ilang mga nag-unang panginahanglanon human sa kusog nga linog niadtong Dominggo, December 15, 2019.
Sa interbyu sa DXDC RMN Davao kang Mayor Vincent Fernandes sa Matan-ao, Davao del Sur asa misentro ang linog, nga nag-unang panginahanglan sa mga biktima mao ang tents o kaha trapal nga ibutang sa mga evacuation centers. Susamang panginahanglanon sa lugar sa Padada ug Hagonoy.
Nasayran nga gipailawom na sa ‘State of Calamity’ ang mga lugar nga grabeng naapektuhan sa linog sa maong probinsya.
Samtang, abri ang DXDC pinaagi sa RMN Foundation nga mudawat ug mga hinabang nga itunol sa mga biktima sa linog labi na sa ilang nag-unang panginahanglan.
RadyoMaN Kirby Manzon
Facebook Comments
