General Santos City—Ospital ang gidangatan sa usa ka Marlon Catamco, legal age, residenti sa Purok KPS, Labangal, Gensan ug kaubanan niining ginganlan lang ug Toper human nga nadunggaban dihang ilang giuwang ang away sa magtiayon nga natigayon sa may Purok Veterans, Barangay Calumpang, Gensan .
Subay sa pahayag sa asawa sa biktimang si Marlon, anaa sila sa balay sa amo sa iyang bana kay nikuha ug sweldo. Ayha unta manguli sa ilang balay nagtagay pa ang mga nasampit apan natigayon ang kumusyon tali sa kaubang babaye sa biktima ug sa bana niini.
Sumala pa nga nagdumili nga mouli sa ilang balay ang kaubanang babaye sa biktima mao nga nasuko ang suspek ug nanghasi sa lugar.
Didto na gipasakitan matud pa sa suspek ang iyang asawa maong giuwang sa mga biktima, didto na nahitabo ang pagpanunggab diin ang biktimang si Marlon nakaangkon ug samad sa iyang tiyan, samtang samad usab sa lawas ang naangkon sa biktimang si Toper.
Paspas usab nga nakasibat ang suspetsado saw ala sayring lugar. Sa karon nagpadayon pa ang gihimong imbistigasyon kalabutan sa insidenti.
