General Santos City–Padayon pang ginasuta karon sa kapulisan sa Police Station 6 ang responsible sa pagpangawat sa shoulder bag sa usa ka Agnes Reyes, 50 anyos, usa ka program coordinator sa Marist Brother ug nanimuyo sa Reyes Subd. Barangay Morales, Koronadal City alas 6:45 ang takna sa hapon sa Alfresco Activity Center sa Veranza Mall Of Gensan.
Sumala pa sa nahimong imbistigasyon sa kapulisan nga alas 5:00 ang takna sa hapon nahidangat ang nasangpit nga biktima sa maong lugar aron nga mag zumba kung asa iyang gibutang ang iyang gamit sa kilid uban sa mga gamit sa mga nag zumba sa maong lugar.
Apan pag human matud pa niini sa dihang iyahang giadtuan ang iyahang gibutangan sa iyahang shoulder bag wala na kini. Unod niini ang kwarta sa biktima nga nagkantidad ug P5,000.00 cedit card ug uban pang mga importanteng dokumento.
Sa karon ginasuta na sa kapulisan ang kopya sa cctv sa maong mall aron usab sa posibleng pag-ila sa nawong sa suspect.(Dave Silagan)
