BACOLOD CITY – Duha ka babayi, isa diri nagabusong, dakup sa duha ka separado nga buy bust operation nga ginpatigayon kagab-i sa separado man nga lugar diri sa ciudad sang Bacolod.
Nakuhaan sang kapin P13,500 pesos nga balor sang shabu ang isa ka nagabusong nga babayi sa ginpatigayon nga drug buy bust operation kaga-i sa Brgy. 27, ciudad sang Bacolod.
Nakilala ang suspek nga si Florida Vergel, 24 anyos, pumuluyo sang Purok Ceresa, Brgy. 27 sining ciudad.
Ginpahayag sang hepe sang Police Station 4, Police S/insp. Adrian Real, ang buybust ginpatigayon may mga las 7:30 kagab-i sa balay sang suspek.
Nakuha sa possession ni Vergel ang 3 ka bulto sang suspected shabu, buy bust money nga P1k pesos kag P600 pesos nga proceeds sa pagbaligya sang shabu.
Ang suspek detained karon sa custodial facility sang Police Station 4.
Sa pihak nga bahin, nagdangat naman sa kapin P204 mil pesos nga balor sang suspected shabu ang na recover halin sa suspek sa ginpatigayon nga buybust operation sa Brgy. Villamonte.
Ginkilala naman ang suspek nga si Christine Lachica, 45 anyos ang edad, pumuluyo sang Mahogany St., Villa Angela, Brgy. Villamonte.
Nakuha sa iya possession ang anum tanan ka sachet sang suspected shabu, buy bust money kag drug paraphernalia./dyHB BACOLOD
