Davao City – Nanawagan sa publiko si Dr. Michelle Schlosser, Spokesperson sa Davao City COVID-19 Task Force nga ipahibalo kanila kung adunay mga vaccination sites nga nagadawat og walk-in vaccinees luyo sa pagdili sa maong sistema.
Matud ni Schlosser (sa interbyu sa city-owned radio) nga wala pay opisyal nga reklamo o report nga napaabot kanila labot sa vaccination hubs nga nagadawat walk-in vaccinees diin kini delikado sa posibleng dasok o komosyon sa tawo.
Segun ni Schlosser nga kinahanglang lamang nga mapahibalo kanila ang maong sitwasyon uban ang saktong dokumentasyon aron gilayon kining maaksyonan sa COVID-19 Task Force ug sa City Health Office (CHO).
“Possible na siya, it cannot be denied. However, before nato i-accept ang claim nga ingon ana, we will ask you to give us concrete evidences ug kadtong masakpan gyud nato para matabangan mi ninyo para ma-cut off ang ingon ana nga behavior,” sulti ni Schlosser.
Gipaniguro usab sa health official nga hugot nga gina-regulate sa Vaccination Cluster ug sa COVID-19 Task Force ang mga vaccination areas diin ginasunod karon sa pagpabakuna ang schedule sa usa vaccinee aron masigurong han-ay ang nagapadayong vaccination rollout.
RadyoMaN Kirby Manzon
