Nagalakat biktima sang hit and run naospital

BACOLOD CITY – Nabiktima sang hit and run ang isa ka dalaga kagab-i sa atubang sang isa ka mall sa Brgy. Mandalagan, Bacolod City.

Nakilala ang biktima nga si Princess Obanilla, 20 anyos ang edad, residente sang Purok Sawmill, Brgy. Bata, ciudad sang Bacolod.

Suno sa utod sang biktima nga si Jamil nga may mga las 8 kagab-i, nagalakat sila nga duha sang biktima malapit sa area sang isa ka daku nga mall sa Mandalagan.


Pahayag sini nga yara na sila sa higad apang ginbungguan gihapon sang isa ka awto nga wala nahibaluan ang driver bangud matapos ang insidente dali-dali ini nga nagpa-“harurot” sang iya salakyan.

Ang biktima nag-angkon sang pilas sa iya wala nga tiil kag gasgas sa tuhod kon diin dali-dali ini nga gindala sa Corazon Locsin Montelibano Memorial Regional Hospital./dyHB BACOLOD

Facebook Comments