ILOILO – Liwat nga ginsulit ni governor Arthur Defensor ang iya direktiba sa mga district hospitals sa probinsya sang Iloilo nga libre ang pagpagamit sang ambulansya sa mga pigado nga mga pasyente.
Ginhatagan pagtamod ni Defensor nga indi dapat pagsukton ang mga pigado sa paggamit sang ambulansya apang para sa may mga sarang, puwede ang mga ini masukot apang dapat may yara gid sang resibo.
Liwat nga nagpaandam ang gobernador nga iya pahalinon ang sin-o man nga empleyado sang ospital sang probinsya nga magapanukot sa mga pigado nga pasyente.
Ginhimo ni governor defensor ang pahayag matapos pila ka mga reklamo ang nakalab-ot sa iya nga wala ginapagamit sang district hospitals ang ambulansya sa mga pigado nga pasyente kon wala sang inugbayad.
Tags: VIsayas, Iloilo, Ambulance, Kasamang Magie
