BACOLOD CITY – Nadakpan sang mga katapo sang Police Station 6 kag sang City Intelligence Unit ang nagapataya sang illegal numbers game sa Libertad Market, diri sa ciudad sang Bacolod pasado las 10 kaina sang aga.
Nakilala ang nadakpan nga si Lyman Galvan, 34 anyos ang edad, kasado kag pumuluyo sang Purok Aguila, Brgy. 16, Bacolod City.
Nakuha kay Galvan ang isa ka gamay nga notebook nga may nakasulat nga mga number combinations, ballpen, bag, cellphone nga may mga mensahe sang transaksyon angut sa illegal numbers kag 115 pesos nga kwarta halin sa pagpataya.
Sa karon yara na sa custodial facility sang Police Station 6 si Galvan kag natalana nga pasakaan sang kaso nga violation sang Republic Act 9287 ukon illegal numbers game./ Not the actual photo
