PONTEVEDRA -Nagpatigayon sang illegal gambling operation ang mga katapo sang Pontevedra Police Station sa pagpamuno sang ila hepe nga si PSI Rhojn Darell Nigos las 2:45 sang hapon Oktobre 24, 2018 sa Purok Carmen, Brgy. Miranda, Pontevedra.
Nagkaladakpan amo sanday Randy Bedonia , 48 anyos may asawa sang Purok Carmen, Brgy Miranda Pontevedra, Jernie Tiansay, 34 anyos sang Purok Carmen, Brgy Miranda, Pontevedra kag ang isa nakapalagyo apang ini nakilala nga si George Siray, 43 anyos sang Crossing Tuguis, Brgy Miranda.
Ang tatlo naaktuhan sang kapulisan nga nagahampang sang tong-its sa hayag nga lugar dira sa Purok Carmen sa diin narecover sa ila ang baraha, pulungkuan kag lamesa nga ginahampangan kag ang ila taya nga P200 pesos.
Si Bedonia kag Piansay ginpangdala sa Pontevedra Police Station kag pasakaan sang kaso.
Nagpaandam naman si PSI Nigos nga sila magapadayon sa pagpangdakop sang mga nagahiwat sang illegal gambling sa banwa sang Pontevedra./Grace Supe
