Nagbaligya ug peke nga gold bar, dakpan sa Banga, South Cotabato

49
Handcuffs

Banga, South Cotabato—Sikop ang duha ka mga personahe kansa namaligya ug peke nga gold bar atol sa gipahigayong entrapment operation sa Banga Municipal Police Station nga gipahigayon sa Prk. Quirino, Brgy. Rang-ay, Banga, South Cotabato, ala-1:30 sa hapon niadtong nakalabayng adlaw.
Giila ang mga suspek nga silang si Boy Minang Faan, 47-anyos ug residente sa Brgy. Numo, Maasim, Sarangani Province ug Dante Atam Fundo, 42 -anyos , residente sa Lugan-3, Poblacion, Tboli, South Cotabato.
Matud pa nga ang mga suspek ang nagbaligya ug fake Canadian Gold Bar kang Mr. Jose Banca Panesa, tricycle driver ug residente sa Brgy. San Vicente, Banga, sa kantidad nga P100, 000.00.
Narekober sa possession sa mga nasangpit ang usa ka Canadian fake gold bar. Kaso nga kalapasan sa Art. 315 sa RPC (swindling) ang gipasang-at sa Banga PNP batok sa mga suspek.

Facebook Comments