Roxas City, Capiz – Naglab-ot na sa kabilogan nga 95 ka mga persona ang nagbayolar sa curfew hours sa bilog nga probinsya sang Capiz humalin sang ini ang umpisa nga ginpatuman sang Marso 20, 2020.
Base sa record sang Capiz PPO, pito sa mga ini ang menor de edad samtang 88 naman ang adult.
92 naman ang kalalakinhan samtang tatlo ang mga babaye.
Suno sa information officer sang Capiz PPO nga si Police Executive Master Sargeant Donna Asmod, sa nakaligad nga duha ka adlaw wala sang may nadakpan nga nagabayolar sa curfew hours gani nga padayon man ang panawagan sang pamunoan sang kapulisan sa Capiz nga ini ang sundon sang tanan.
photo(c)- Capiz PPO Pcads
Facebook Comments
