Nag-abot kahapon sang hapon si Presidente Rodrigo Duterte sa Brgy. Ferrariz , Sara kon sa diin, nagdu-aw ini sa haya ni Joanna Demafelis, ang Ilongga nga ginpatay kag ginsulod sa freezer sa Kuwait.
Kaupod ni Duterte si Special Assistant to the Rresident B*ong Go* kag pila ka mga opisyal sang Overseas Workers Welfare Wdministration (OWWA).
Nangin pribado ang pag-istorya ni Duterte sa pamilya Demafelis.
Suno naman kay Presidential spokesperson Harry Roque, naghatag sang 500,000.00 nga financial assistance ang administrasyon, $15,000 nga balor sang life insurance kag walo ka cellphone para sa pamilya .
Nangako man si President Duterte nga gawaron ang nakaprenda nga duta sang pamilya Demafelis kag tapuson ang wala pa mahuman nga balay sang pamilya.
Ginpasiguro man sang Presidente nga makatapos sa pagtuon ang utod ni Joanna pinaagi sa paghatag sang scholarship.
Nahibaluan nga nagpadulong man si presidente duterte sa Camp Hernandez sa Dingle, Iloilo agud pasidunggan ang mga suldado nga wounded in action pinaagi sa paghatag sang order of Lapu-lapu award.
