Nagbisita sa isla it Boracay ko Undas, kapin sa 11,000

Kalibo, Aklan – Kapin sa 11,000 ka mga tawo rong nagbisita sa isla it Boracay ko Undas.
Mag eowas kara, base sa datos it Boracay Inter-Agency Task Force (BIATF) hay kapin sa 14 ka mga turista rong ginpamulta bangud sa nadakpang nagbayolar sa mga patakaran sa isla.
Suno kay Department of Tourism Secretary Bernadette Romulo-Puyat – nag-isyu sanda it citation tickets sa mga violators.
Sa na mensyon nga numero, 7 rong ginpamulta bangud sa pagpanigarilyo, 3 sa pagkalhit it basura ag 2 rong sa pag inum sa front beach.
Samtang, 1 rong ginpamulta bangud sa paghimo it sand castle ag rong 1 hay ginpamulta bangud sa pag drive it motorsiklo sa binit it baybayon.
Dugang pa ni Puyat nga sa pihak ko anda ngarang pagpaandam ag indi pa magtanda rong iba hay idi sanda magduha-duha nga bue-an it accreditation.
Nagasalig man rong DOT nga makipagbuligan man rong mga turista sa pag-amlig kung palibot it isla.

Facebook Comments