Wala na matabangan sang gindala sa ospital ang 27 anyos nga lalaki nga naghikog pinaagi sa pagbitay sang iya kaugalingon sa ila boarding house sa Barangay Inday City proper pasado alas 11 kagab-i (Nob. 6)
Ginkilala ang biktima nga si Dennis Lequit, 27 anyos kag nagatrabaho sa pest control department sang isa ka hotel.
Ginpahayag nga na-depress ang biktima matapos napahalin ini sa iya obra nga amo ang ginalantaw nga kabangdanan sang iya paghikog.
Gindala pa sa Iloilo Doctor’s Hospital ang biktima apang gindeklarar ini nga dead on arrival.
Nahibaluan nga nagbilin pa ini sang suicide note nga nagapangayo sang pasaylo sa iya ginhimo kag nagtugon sa iya pamilya nga indi magkablaka kay padayon siya nga magabantay sa ila.
Facebook Comments
