Davao City – Na-inquest na sa Toril Police Station sa korte, ang duha ka lalaking nagdala sa P18M nga kantidad sa shabu, human naharang sa joint PNP ug TF Davao check point sa Brgy. Sirawan, Toril, Davao City niadtong Domingo alas 4:00 sa hapon Hunyo 18, 2023.
Gibutyag ni Police Officer Marlon Donguilab Deputy Chief for operation sa Toril Police Station, kasong kalapasan sa Section 5, ilawom sa RA 9165 Comprehensive Dangerous Drugs Act of 2002 ug Transportation of Illegal Drugs, batok duha Ka suspek nga sila Cresil Jay Lacia, 29 anyos ug Antonio Palacios Jr., 30-anyos, mga drivers ug residente sa New Corella, Davao del Norte.
Segun ni Donguilab, mas gipakusgan usab nila ang kampanya kontra illegal drugs sa ilang area of responsibility (AOR), pinaagi sa pagpahigayon og seminar o lecture sa matag Barangay ug gipasabot, kung unsa ang epekto sa droga ug unsa usab ang posibleng atubangon sa mga madakpan nga nalambigit sa pagpayuhot niini.
RadyoMaN Don Pulayao
Facebook Comments
