Nagdinunggabay sa bunkhouse, usa samdan

22
Criminal in handcuffs

Surallah, South Cotabato – Samaron nga gidala sa ospital sa munisipyo sa Surallah, South Cotabato ang laborer human nga gidunggab sa iyahang kauban sa trabaho samtang sila nangahubog sulod sa bunkhouse niaging gabie.

Sa inisyal nga imbestigasyon sa Surallah Municipal Police Station, giila ang bitkima sa pangalang Mark Eduard Tobias Montalban alyas Chikoy, 19 anyos, single, laborer, residente sa Purok Libertad, Brgy. Poblacion, Sto. Niño, South Cotabato samtang ang suspek nga kauban sa biktima giila sa pangalang Charlie Montes Lubaton hamtong ang edad.

Dugang imbestigasyon sa kapolisan, bag-o pa nahitabo ang insidente ang biktima og ang suspek nag-tagay kuyog ang mga kauban sa trabaho sulod sa bunkhouse.

Kadugayan, nahitabo ang panaglalis sa duha nga misangko ngadto sa pagpanunggab.

Resulta sa maong hitabo, nakaangkon og multiple stab wound sa kalawasan ang biktima og gidala sa Lariosa Clinic and Hospital alang sa medikasyon.

Samtang, boluntaryong misurender ang suspek ngadto sa mirespondeng kapolisan sa munisipyo og nakuha ang gigamit nga 11 inches na kutsilyo.

Kahubog matod pa ang hinungdan sa maong krimen sumala pa sa kapolisan




For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: napasakaan na ug kaso.jpg]

Facebook Comments