Naghigda sa duyan naigo ug saag nga bala

127

General Santos City—samad sa sampot ang naangkon sa usa ka 17 anyos human naigo sa saag nga bala samtang kini naghigda sa duyan sulod sa ilang panimalay sa may Sitio Lamcanal, Barangay Malandag, Malungon, Sarangani Province.

Giila ang biktima nga si Denice Diamara, 17, residenti sa samang lugar. Ala 1:00 ang takna sa kaadlawon sa adlawng Domingo, August 6, 2017, samtang natulog ang nahisgutan sa duyan, nakurat nalang kini dihang nakadungog ug buto sa pusil.

Pila ka sigundos ang nakalabay, nakabati nalang kini ug pamanhod sa iyang sampot hinungdan nga iyang gitan-aw didto na iyang nakit-an ang kaugalingong likido nga nag-agas sa iyang sampot mao nga siya nangayog tabang sa iyang mga kauban sa balay aron siya madala sa ospital.

Sumala sa biktima nga wala sya masayod kinsay nagpabuto ug pusil gumikan ngitngit ang lugar dihang nahitabo ang insidenti.

Sa karon padayon pa ang gihimong imbistigasyon sa insidenti ug ginasuta pa kung si kinsa nag responsabli sa pagpabuto ug pusil.

Facebook Comments