Patay na nga nagabitay sang masapwan sang iya anak ang isa ka amay sa ila balay sa barangay Awis, Leon, Iloilo alas 5:30 kaina sang hapon.
Ginkilala ang biktima nga si Aniceto Soriano, 52 anyos sang nasambit nga lugar.
Suno kay Jocelyn Soriano, asawa sang biktima nga may balatian nga nervous breakdown ang iya bana kag duha ka adlaw na nga sagi ka inum nga ginapatihan amo ang kabangdanan nga gin-abot ini sang balatian kag naghikog.
Mga alas 4 kaina sang hapon ulihi nga naklit-an nga buhi ang biktima apang alas 5:30 sang hapon . nasapwan sang iya bata nga nagakabit ini sa ila balayan gamit ang habol.
Suno pa sa asawa nga may ginbilin nga suicide note ang biktima nga nagapa-alam sa ila kag nagtugon nga ipalubong lang ini sang maayo
Facebook Comments
