Kritikal kag padayon nga ginabulong sa ospital ang isa ka lalaki matapos maghikog pinaagi sa pagluthang sang iya kaugalingon alas 4 kaina sang hapon sa Poblacion, Badianghan, Iloilo.
Ginpahayag ni police Chief Inspector Dennis Pamonag, hepe sang Badiangan PNP nga mga alas 4 sang hapon samtang isahanon lamang sa ila balay ang biktima sang nagluthang ini sa iya dungan-dungan gamit ang 38 kalibre nga revolver.
Suno kay Pamonag nga may deperensya sa panghuna-huna ang biktima nga ginahinago sa ngalan nga alyas Victor, 33 anyos.
Ginpahayag pa ni Pamonag nga na-recover nila ang pusil nga gingamit sang biktima.
Wala man sang nakita ang mga pulis nga may foul play sa nasambit nga insidente
Facebook Comments
