Davao City – Nagtoo ang hepe sa Integrated Gender and Development Division (IGDD) syudad sa Davao nga dunay malipay ug masubo niing pagpasar na karon sa divorce bill sa kongreso.
Sumala ni IGDD head Lorna Mandin, dunay mga babaye ang malipay apan maguol ang simbahan niini.
Giingon pa ni Mandin dili pa siya makahatag sa ensaktong reaction tungod kay wala pa siya masayud sa mga version.
Matud ni Mandin, ang Philippine version sa divorce bill wala nagpasabot nga kung mag-away ang magtiayon gilayon nang magbulag, dili tungod kay daghan pang himoong remedy (remedyo) aron malikayan ang panagbulag.
Dili motoo ang hepe sa IGDD nga mitsa sa pagkaguba sa kaminyoon ang legalisasyon sa diborsyo sanglit daghang mga magtiayon nga nagbulag karon nga wala pa gitugot sa Pilipinas ang maong balaud.
Aron dili magkabulag ang magtiayon gisulti ni mandin dunay pamaagi nga himoon apan molungtad pa sa taas nga panahon.
RadyoMaN Bernard Pantallon
