Davao City- Tungod sa nagkabaratong hanyag sa mga car dealer sa mga sakyanan hinungdang daghan gayud ang mopalit og mga sakyanan samtang ang atong kadalanan sa syudad gagmay ug kulang nga moresulta sa paghuot sa trapiko.
Sumala sa chairman sa Committee on Transportation sa konseho, Davao City 3rd District Councilor Condrado Baluran, nakahatag usab og kahuot sa trapiko ang nahitabo karon sa Diversion Road tungod sa nahitabong landslide sa Shrine Hills.
Dili usab ikalimod matud ni Baluran nga ang syudad sa Davao nahimo na karong tourist destination, daghang mga torista ang moanhi ug daghang mga convention usab ang himoon hinungdang mosamot gayud ang paghuot sa trapiko.
Usa sa nakita ni Baluran aron masolusyonan ang nagkagrabeng kahu-ot sa mga sakyanan sa syudad, mao ang pagpaundang nianang pagdevelop sa Shrine Hills tungod kay usa kini sa dakong nakaapekto sa syudad sa Davao.
RadyoMan Bernard Pantallon
