NEGROS OCCIDENTAL – Asud asod naman ang ginhimo nga pag-aresto sang mga katapo sang Philippine National Police sa mga wanted persons sa probinsya.
Las 10:30 sang aga arestado sang San Carlos PNP si Rodem Berang-Berang sa kaso nga qualified theft. Residente ini sang Sitio Malabagyo, Barangay Palampas.
Las 11 naman sini nga udto sa Purok Makiangayon I, Barangay Balintawak, Escalante City arestado man si Romeo Pacquiao, 50 anyos sa kaso nga attempted murder. Siya ang Top 8 Most Wanted Person sa syudad.
Las dos naman subong nga hapon, arestado naman sang Kabankalan City PNP si Rodolfo Montero, 53 anyos sang Purok 3, Barangay Locotan sa kaso nga attempted murder.
Sa Silay City, las 3:20 subong nga hapon dakop man sa Employee Subdivision, Barangay Mambulac si Florante Bigalot sa kaso nga theft.
Samtang sa Bacolod City las 3 kaina sang hapon, dakop naman sang Station No. 6 upod ang La Castellana PNP si Fernando Lubas, 23 anyos sang Hacienda Hanuban I, Barangay Sag-ang, La Castellana. May kaso ini nga murder kag wala naman sang pyansa nga ginrekomenda ang korte.
