NAGKALAIGO SANG KILAT | 6 patay, 17 pilason sang naigo sang kilat ang mga nagatrabaho sa kampo

SIPALAY CITY – (1st Update) Patay ang isa ka babaye kag lima ka mga kabataan sang nag-igo ang kilat sa puno sang kahoy samtang nagapasilong ini matapos ang pagbubo sang ulan la 1:30 ang takna kaina sang hapon sa Sitio Baras-Barasan, Barangay Manlocahoc.

Nakilala ang mga ini nga sanday Mary Tejoc, 35 anyos; Mariel Montecino, 12 anyos kag pamilya Seminion nga sanday Charlene, 12 anyos; Mae Ann, 9 anyos, Ardemiel, 10 anyos kag Rose, 5 anyos.

May 17 pa nga ginpangdala sa ospital sa Sipalay samtang ang isa ang gindala sa Bacolod City bangod malubha ang iya sitwasyon.


Ang mga ini ang nagatrabaho sa kampo apang bangod kay nag-ulan, nagpasilong sila sa puno sang kahoy kag nagpangilat rasun nga ini sila ang nagkalapaso.

Facebook Comments