Davao City – Sa pagsugod sa bulan sa Hulyo kun July, nagkalain-laing aktibidad ang saulogon sa nasud ingon man sa nagkalain-laing probinsya.
Nasayran nga karong bulana, ginasaulog sa tibuok nasud ang Nutrition Month nga adunay temang “Kumain nang wasto at maging aktibo… push natin ‘to!”
Sa tibuok bulan usab o sugod July 1 – 31 ginasaulog usab sa Tagbiliran City, Bohol ang Sandugo Festival.
July 4, matag tuig ginasaulog sa nasud ang Philippine-American Friendship Day samtang sa susamang adlaw, ginasaulog sa Tubod, Lanao del Norte ang Araw ng Lanao del Norte.
July 1 – 10 ginasaulog usab sa Davao del Norte ang Banana Festival. Sa July 12 gina-selebrar usab sa Laguindingan, Misamis Oriental ang Hudyaka Festival.
July 11-18 ginasaulog sa South Cotabato ang T’nalak Festival.
July 15-16 ginasaulog sa Ozamiz, Misamis Occidental ang Subayan Keg Subanon Festival. Samtang sa matag July 24, ginaselebrar sa Tanjay, Negros Occidental ang Saulog de Tanjay nga usa ka espesyal nga selebrasyon sa maong probinsya.
RadyoMaN Kirby Manzon
