Bacolod City – Pamahog ang ginpadangat nga reklamo ni PJ David Bernal matapos nga siya ang gintayaan sang kutsilyo sang nagkaon sang mga bilin nga pagkaon sa kusina sang Grand Regal Hotel syudad sang Bacolod.
Suno kay Bernal, 1:30 ang takna sang hapon sang Hunyo 11 sang nakit-an siya ni Richard Lindog, chef, nga nagakaon sang left over kag hinali lang nakabati siya sang matunog nga singgit, “Indi ka di pwede magkaon di Toy kay kami lang di ang allowed nga magkaon”, dala uyat kag taya sang nagahining hining nga kutsilyo.
Dugang pa ni Bernal nga ginpahog pa gid siya patyon rasun nga iya ini ginparecord sa police station.
Para kay Bernal wala man sang problema sa iya kon ginsaway lang sya kon tani apang ang masubo gintayaan gid sya sang kutsilyo kag ginpahog nga patyon nga ginkalain naman sang iya nga buot.
