NAGLA-IN ANG BU-OT | Vice Mayor Ganzon gin-ako nga naglain ang iya buot rason nga wala siya nagtambong sa inagurasyon sang bag-o nga Iloilo City DInagyang Grandstand

611

Gin-ako ni Vice Mayor Jeffrey Ganzon nga naglain ang iya buot sa pagguba sang Iloilo Freedom Grandstand rason nga wala siya magtambong sa inagurasyon sang bag-o nga grandstand kahapon nga adlaw.

Suno sa kay Ganzon nga symbolic ang pagpangalan sadtu sang daan nga Iloilo Freedom Grandstand nga ginpaninguhaan pa sang iya amay nga si anay Senator Rodolfo “Roding “ Ganzon.


Ginpahayag man ni Ganzon nga ginkuha pa sang iya amay ang inspirasyon sa pagbutang sang pangalan sa Freedom Grandstand sa Russia kon sa diin pwede ka nga makapahayag sang imo kaakig batok sa gobyerno.

Isa sa significante sadtu nga hitabo sa kasaysayan ang pagbisita ni Gen. Douglas Mc Arthur sa syudad sang Iloilo sang Hulyo 10, 1961 matapos nga naghambal ini sa atubang sang ginatos ka mga ilonggo ilabi na ang mga World War II veterans sa Iloilo Freedom Grandstand.

Nahibaluan nga una ginhambal ni Iloilo City Mayor Jose Espinosa III nga pangalanan niya ang bag-o nga grandstand nga Iloilo City Dinagyang Grandstand apang ginbawi sini sang damlag lang kag ginpahayag nga temporary lamang ini matapos gin-ulan sang negatibo nga komento ilabi na sa mga naka-intsindi sa maduagon sa kasaysayan sang syudad.

Facebook Comments

From Advertisers