ROXAS CITY, CAPIZ – Patay ang isa ka persona samtang isa ang kritikal matapos ang mga ini ang nadisgrasya sa ginasakyan nga motorsiklo ala 1:19 sang kaaganhon malapit sa isa ka eskwelahan sa Arnaldo Boulevard, Brgy Baybay Roxas City.
Ginkilala ang biktima kay Roniel Seballos nga gindeklarar nga dead-on-arrival sang gindangat sa Roxas Memorial Provincial Hospital matapos nga nag-angkon sang patal nga pilas sa kalawasan sang nag-lapaw sa center island ang ginasakyan sang mga ini nga motorsiklo.
Yara man sa seryoso nga kahimtangan ang driver sang motorsiklo nga si Joseph Sibugan sang Brgy Banica, Roxas City nga sa subong ang padayon nga ginabulong sa ospital.
Nahibaloan nga halin ang mga ini sa Brgy. Baybay apang posible nga natulogan ang driver kabangdanan nga wala sini makontrol ang manibela sang ginadala nga motorsiklo.
