SAN ENRIQUE – Patay ang isa ka driver sang motor (Kawasaki Bajaj CT100) matapos ini ang nadulaan sang kontrol kag nahulog sa kanal, las 2:25 ang takna sang hapon sa Candaguit Bridge, Barangay Baliwagan.
Nakilala ang biktima kay Robert Damoag, 35 anyos sang Barangay Miranda, Pontevedra.
Nakaagom ini sang pilas kag bali sa iya nga lawas rasun nga gindeklara ni Dr. Miguelito Aquino nga dead on arrival sang gindala sa Don Salvador Benedicto Memorial District Hospital.
Pilason naman ang iya angkas nga si Reynaldo Gillado, 47 anyos, isa ka mangingisda nga pumoloyo sang Barangay Miranda, Hinagaran.
Si Gillado ang ara subong sa isa ka ospital sa Bacolod para sa nagakaigo nga pagbulong.
Facebook Comments
