Malampuson ang gihimong Mass Surrender & Turn-over of Loose FAs kagahapong adlawa didto sa may GASA Gymnasium Pob. Godod, ZN. Sa pagpanguna nila ni Mayor Abel Matildo, Capt. Puertas sa 102nd IB ug ni OIC Zamboanga del norte Provincial Director Michael B. Macapagal uban sa hepe sa maong lungsod nga si P/Insp. Clark Bacolod.
Gihimo ang turn over ceremony sa 25 ka mga nagkalain-laing armas nga mga mugbo sama sa kalibre 38 ug 45 samtang sa tag-as mao ang garand ug M203 ug mga homemade Shotgun.
Dako ang kalipay sa mayor tungod kay dugang kalampuson na usab kini sa iyang pagdumala sa lungsod sa Godod aron sa ingon ma mentenar ang kahapsay ug kalinaw sa iyang area. Naglaum usab si mayor Matildo nga aduna pa’y laing mga armas ang I tahan ngadto sa mga tinugyanan sa balaod sa umaabot pa nga mga adlaw.
Ang maong mga armas ikustudiya kini sa PNP Zamboanga del norte para tukmang nga disposasyon.
