Davao City – Nahimong hapsay ug malinawon ang unang adlaw sa campaign period sa mga lokal nga kandidato dinhi sa Davao region alang sa 2019 midterm election.
Sa pakighinabi sa DXDC RMN Davao kang Atty. Krisna Samantha Caballero, spokesperson sa Commission on Election (COMELEC)-XI, gibutyag niini nga walay gika-report nga mga kaguliyang nga nahitabo sa unang adlaw sa maong pagpangampanya.
“Diri sa tibuok rehiyon onse, relatively peaceful, generally peaceful man ang atong first day. Wala may na report sa atoa as early as now kung naa bay mga problema or mga kagubot nga nahitabo,” segun niini.
Apan gibutyag ni Caballero nga daghan gihapon nga mga illegal campaign paraphernalia ang wala gipananggal sa mga kandidato rason nga sa ubang mga probinsya sa rehiyon, nagpahigayon na sa ilang Oplan Baklas.
Dugang pa sa opisyal nga masilotan gayud ang mga kandidato nga nagmagahi sa pagtanggal sa ilang mga campaign paraphernalia nga wala gibutang sa designated common poster areas human sa notice kanila nga gipadala sa buhatan.
RadyoMaN Kirby Manzon
