ILOILO City – Gindayaw ni Mayor Jose Espinosa III ang Iloilo City Police Office (ICPO) sa tuman ka dako nga pagnubo sang crime incidents sa syudad.
Sa record sang ICPO may 48 lamang ka kaso sa period nga Pebrero 16-22 nga mas manubo sang 54.28% gikan sa 105 ka cases sang amo man nga period sang nagligad nga tuig.
Suno kay Espinosa ginapakita sang manubo nga crime rates ang epektibo nga programa sang kapulisan sa pagtapna sang krimen.
Ginpasalamatan man ni Espinosa ang suporta sang komunidad sa paghatag sang impormasyon sa kapulisan sa nagakatabu nga krimen sa ila lugar.
Ginpahayag naman ni ICPO Operations Head Supt. Jowel Saliba nga dako nga bagay ang police visibility sa mga convergence areas sa pagpahagan-hagan sang krimen.
