Davao City – Nagpahungaw sa iyang gibati sa DXDC RMN Davao ang usa ka dabawenyong si alyas Jong nga tag iya og tindahan nga iyang ginapaarkilahan human nga wala siya maapil sa listahan sa Social Amelioration Program nunot sa COVID-19 crisis.
Sumala niini nga di matud pa siya i-apil og lista sa Department of Social Welfare and Development kun DSWD SAP gumikan ang iyang igsuon usa ka kagawad apan iyang gibarugan nga walay trabaho ang iyang anak, ug dunay kaugalingong pamilya ang iyang igsuon gani di pa usab makahatag og bayad sa arkila ang nag arkila sa iyang tindahan busa nanawagan kini og hinabang.
“Ang akong pangutana diha akong igsuon makadawat wala may labot sa akoa kay naa man sab siya kauglaingong pamilya, asa ko ani?” pangutana ni alyas Jong.
Subay niini, gitawagan sa DXDC RMN Davao si DSWD Under Secretary Luz Ilagan ug matud sa opisyal nga ang entitled sa DSWD SAP mao ang kadtong nag arkila ug dili kadtong nagpaarkila gani giabisuhan niini ang nagreklamo nga sa Deparment of Labor and Employment kun DOLE muduol.
“Sa DOLE sila muadto, negosyo man na ilaha nga nawad-an og income tungod sa COVID,” tubag ni Ilagan.
RadyoMaN Renz Barbarona
