Nagpakatag og fake news vs COVID-19 mitahan

Davao de Oro – Boluntaryong mitahan sa iyang kaugalingon sa Local Government Unit (LGU) sa lungsod sa Nabunturan, Davao de Oro ang usa ka babaye nga nagpakatag ug fake news kalabot sa COVID-19 gamit ang social media hinungdan sa kabalaka sa mga residente sa lungsod sa Nabunturan ug Montevista.

Ang mitahan giilang alyas “Jing”, hamtong ang panuigon, residente sa lungsod sa Nabunturan.

Giangkon niini nga sayop ang iyang gibuhat hinungdan nangayo og pasaylo sa LGU Nabunturan ug Montevista nga miresulta sa kahadlok ug kabalaka sa katawhan sa maong duha ka lungsod.


Gidawat sa duha ka LGUs ang pagpangayo og pasaylo ni alyas Jing hinungdan nakalingkawas siya sa kaso nga iyang sagubangon.

RadyoMaN Jules Catisay

Facebook Comments