SAGAY CITY – Igo sa iya wala nga tiil ang driver sang isa ka Canter matapos ini ang nagpalagyo sa tuyo nga pagpanghold-ap sa iya halin Barangay Dian-ay, Escalante City.
Sa imbestigasyon sang Sagay City PNP, halin sa Escalante ang Canter sang ginlagas ini sang riding in tandem sa tuyo nga hold-apon apang nagpalagas sya tubtob sa Hacienda Chloe, Barangay Poblacion 2, las 9 ang takna kagab-i.
Imbes nga hold-apon gintiro nalang sang mga wala nakilala nga tawo ang driver sang Canter nga si Jimmy Arturo, 29 anyos sang Guinhalaran, Silay City.
Gindala ini sya una sa Cadiz City District Hospital tubtob nga ginsaylo sa Teresita Jalandoni Provincial Hospital.
Facebook Comments
