NAGPALUPOK ARMAS | Isa ka pari sa banwa sang dumarao, dakop matapos nga nagpalupok sang armasluthang!

Dumarao, Capiz- Dakop ang isa ka pari sa banwa sang Dumarao, Capiz matapos ini ang nagpalupok sang armasluthang sa Brgy. Poblacion Ilaya sa amu nga banwa alas 11:30 ang takna sang gab-e.
Suno sa imbestigasyon sang mga katapo sang Dumarao PNP, naakig ang pari nga si Fr. Federico Lim, 45-anyos sang Brgy. Bailan, Pontevedra, Capiz sang nakit-an nga nakaharang sa mismo sang gate sang kumbento ang mga motorsiklo nga ginapanag-iyahan sang mga pamatan-on.
Iya ini nga ginpangtumba kabangdanan nga nagluntad ang mainit nga argumento sa tunga sang mga ini nga nagresulta pa sang paghangkat sang grupo nga magpanaog ang suspek apang sa baylo, nagkuha ini sang armaluthang kag nagpalupok.
Ginapahayag nga naka-inom ang amu nga pari sang matabo ang insidente samtang bulontaryo naman sini nga ginturn-over sa mga kapulisan ang isa ka Caspian caliber .45 pistol nga may yara sang serial number apang expire ang lisensya, magazine kag anum ka mga bala nga wala makalupok. Sa subong yara sa balay-bulolngan si Fr. Federico Lim matapos nga ini ang nakabatyag sang paglain sang pamatyag. Natalana naman ini nga pasakaan sang kaso bangud sa expire nga lisensya sang armasluthang.
-web photo

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments