Davao City – Gipaniguro sa lokal nga gobyerno sa probinsya sa Davao del Norte nga manubag ang responsable sa insidente’ng pagka-trap sa upat (4) ka mga lalaking treasure hunters sa usa ka tunnel sa Barangay Kinamayan, Santo Tomas sa maong probinsya.
Sa press briefing sa Santo Tomas Local Government Unit (LGU) ug sa Municipal Incident Management Team (IMT) kagahapong adlawa (September 8, 2020), gikasubo ni Davao del Norte Governor Edwin Jubahib ang insidente ug wala na pagkakaplag sa mga biktima luyo sa pila ka adlaw nga search and retrieval operation.
“Pinaagi sa ilang (rescue team) mission, akong gipanaad nga ang atong mga pagpaningkamot dili mamahimong kawang kay atoa gayud nga gukdon ang mga sad-an,” segun Jubahin.
Gipasabot ni Jubahib nga dakong peligro kung ipagpadayon pa ang operasyon alang mga rescue team gumikan kay mas ni-delikado ang sitwasyon samtang wala gihapoy senyales nga buhi pa ang mga biktima’ng treasure hunters.
RadyoMaN Kirby Manzon
