Nakuhanan ng cctv ang pagtulong ng Isang nagpapatrolyang pulis sa Isang ginang na nanganak noong ika-6 ng Enero sa bayan ng Manaoag.
Pasado 9: 00 ng Gabi nang magpatrolya sa Barangay Cabanbanan si Pssg Nino Macatangay Pacis nang parahin ito ng asawa ng ginang upang humingi ng saklolo.
Agad na nagtawag ng rerespondeng ambulansya ang pulis ngunit sa Oras na iyon ay wala umanong available kung kaya’t napagpasyahan na ang police mobile car na lamang ng pulisya ang gagamitin.
Hindi pa man naisasakay ang ginang ay nakita nang papalabas ang sanggol.
Dahil dito, Dali-dali siyang kumuha ng kumot upang ipahiga ang ginang hanggang sa matagumpay ang pagsilang sa babaeng sanggol.
Ayon kay Pacis, first time umano nitong rumesponde sa ganitong sitwasyon at labis ang kaniyang kasiyahan na matulungan ang ginang.
Nagpasalamat ang ginang sa pulis sa kaniyang hindi matatawarang pagtulong na ngayon ay nasa maayos nang kalagayan matapos dalhin sa Manaoag Community Hospital. |𝙞𝙛𝙢𝙣𝙚𝙬𝙨
