Nagpapatuloy na imbestigasyon ng ICI sa flood control anomaly, hindi mabubutasan kahit pa nagbitiw na sa puwesto si dating DPWH Sec. ‘Babes’ Singson

Tiniyak ng Independent Commission for Infrastructure (ICI) na hindi mabubutasan ang kanilang imbestigasyon sa maanomalyang proyekto ng pamahalaan.

Ayon kay ICI Chairman Retired Justice Andres Reyes, patuloy naman ang kanilang gagawing pagtatrabaho kahit na nagbitiw na sa pwesto si ICI member Babes Singson.

Ani Reyes, hindi pa rin naman ito pinipirmahan ni Pangulong Ferdinand Marcos Jr. kung kaya tuloy pa ang extension o pananatili ni Singson.

Samantala, hanggang sa ngayon ay wala pa ring schedule na ibinababa ang ICI kung kailan dadalo sa pagdinig sina House Majority Leader Sandro Marcos at Davao Representative Paolo “Pulong” Duterte.