Human sa nahitabong piniliay niadtong adlawng lunes usa ka indibidwal ang nagmaoy tungod sa iyang kapildehan sa miaging piniliay didto sa Brgy Lawaan, Tampilisan.
Kini mao si Joel Paredes nagpapili kini isip brgy. Kagawad matod pa nagmaoy mismo sa ilang pinuy-anan tungod kay wala kini nakadawat sa iyang pagka pilde.
Ilawon kini sa bando ni Armando Pelayo kandidato sa pagka brgy. Kapitan, si Joel miadto kini sa panimalay ni Armando ug nanghasi uban sa pulong nga “Pagbantay mo kay pamatyon mo nako”
Apan kagahapon nagka atubang na sila si Armando Pelayo ug Joel Paredes, gani nangayo na ug pasaylo si Joel ngadto kang Armando.
Matod pa sa Hepe sa maong lungsod nga si P/Insp Rene B. Sagan nakainom si Joel niadtong higayona ug daw saw ala kini nakadawat sa resulta sa eleksyon ilabi na nga anaa siya sa ikawalo nga pwesto ug gamay ra kaayo ang labaw sa boto.
Aduna matod pa kini gimahay sa resulta sa piniliay.
Dugang pa ni P/Insp Sagan gawas sa kapildehan ni Joel, lakip usab nga napilde si Armando Pelayo isip barangay kapitan ug kauban pa ani nga mga kagawad.
