Nagpasalom sa curfew violators kasohan

182

Davao City – Posibleng mag atubang og kaso ang mga responsable sa pagpasalom sa mga curfew violators sa San Antonio, Agdao, Davao City.

Sa interbyu sa DXDC RMN Davao kang Police Major Michael Uyanguren, station commander sa Sta. Ana PNP, gikumpirma niining tinuod ang insidente diin pipila pa sa iyang personahe ang nalambigit niini.


Matud ni Uyanguren nga padayon ang ilang gihimong imbestigasyon samtang kasong kriminal ug administratibo ang posibleng atubangon sa mga responsable.

“Padayon ang atoang imbestigasyon. So, posible silang mag atubang og kaso nga criminal ug administrative,” matud ni Uyanguren.

Panawagan sa Sta. Ana PNP station commander sa publiko nga gilayong i-report sa otoridad kung adunay mga susamang insidente aron kini ma-aksyonan.

RadyoMaN Kirby Manzon

Facebook Comments