Nagpataya og illegal swertres, sikop

13

Sapon sa akto sa kapulisan sa Mambajao, Camiguin ang ulitawong nagtali sa swertres sa Sitio Common, Barangay Poblacion, Mambajao, Camiguin Province.

 

Matud ni SPO4 Benjamin Bacolcol, Deputy Chief of Police sa Mambajao Municipal Police Station nga ang suspek mao ang 28 anyos nga si Mark Francis D. Salva, residente sa maong dapit.

 

Dugang pa ni SPO4 Bacolcol, nakuha sa posisyon ni Salva ang usa ka 50 pesos, pito ka tag 20 pesos, pito ka 50 pesos, 33 ka tag piso, usa ka cherry mobile phone, tulo ka grade-three writing pad, tulo ka long size bondpaper nga dunay numero sa lain-laing kombinasyon.

 

Sa karon detinado na sa Mambajao mini cell ang suspek alang sa atubangong kaso.

 

Gisikop ang suspek pinaagi sa hiniusang pwersa sa Mambajao Municipal Police Station ug Provincial Intelligence Unit sa Camiguin Provincial Police Office.

 

Facebook Comments