Roxas City, Capiz – Ginbalik sang atleta sang Iloilo nga si Jaynelle Nash Militar sa atleta sang Capiz nga si Allica Threxy Reyn Atienza ang silver medal nga gin-award sa iya sa swimming event sa WVRAA 2019.
Ini matapos ang ginapahayag kapalpakan sang mga technical officials sa pagrekord sa mga tagdaog kun sa diin nga sa baylo nga si Atienza sang Capiz ang silver medalist, ang atleta sang Iloilo amo ang nadeklarar nga 2nd placer.
Samtang aminado naman ang atleta sang Iloilo nga nagplastar ini sa ikatlo nga pwesto kabangdanan hugot sa iya nga kaugalingon nga ginbalik ang silver medal nga para kay Atienza.
Nahibaloan nga antes pa man sini, nagpalab-ot na sang reklamo sa tagdumalahan sang nasambitan nga event ang pamilya kag mga coaches ni Atienza angut sa nasambitan nga kapalpakan sang mga technical officials.
photo (c)- Jojie Fernandez
