Davao City –Nahulipan og kasubo ang kasadya sa birthday party human nalumos mismo ang nagsaulog sa adlaw natawhan sa dagat sa Malalag Davao del Sur 12:45 sa kadlawon gahapong adlawa.
Nakaplagang wa na’y kinabuhi daplin sa dagat si Elizalde Sayto, 42 anyos, minyo, laborer, ug residente sa Sitio Lapaz, Barangay Lapan, Malalag Davao del Sur.
Gisuwayan pa og dala sa ospital sa lungsod ang biktima apan igo na lang kini gideklara nga dead on arrival sa doctor nga mihiling sa kahitamtang ni Sayto.
Base sa imbestigayon sa Malalag PNP, naghubog ang biktima uban sa mga silingan sa beach resort tunga tunga sa selebrasyon sa adlaw natawhan.
Nawa og kalit ang biktima diin pila ka minuto milabay pakyas makabalik sa pundok si Sayto ug didto na nakahukom ang iyang mga kauban nga pangitaon kini.
Walay nakitang foul play sa kamatayon sa biktima busa dako ang pagtoo sa mga otoridad nga nalumos kini sa dagat ug gipadpad sa balod paingon sa daplin.
RadyoMaN Joel Viray
