NAGSIMULA NA | Early registration para sa school year 2018, umarangkada na ngayong araw

Manila, Philippines – Nagsimula na ang month long early registration period ng Department of Education para sa school year ‎2018-2019.

Ayon kay DepEd Sec Leonor Briones layunin ng early registration na matukoy ng maaga ang posibleng problema na kakaharapin ng school officials, mga magulang at mga batang mag-aaral bago sumapit ang regular enrolment para sa darating na pasukan sa Hunyo.

Target ng DepEd sa maagang pagpaparehistro ang mga batang 5 taong gulang na papasok sa kindergarten hanggang Grade 12 sa lahat ng pampublikong elementarya at sekondaryang paaralan sa bansa.

Magtatagal ang early registration hanggang February 28 2018.