NAGSUICIDE? |Tul-an sang tawo nakit-an sa banwa sangTapaz

1094

Tapaz, Capiz – Nasapwan sa Sitio Tablia Brgy. Buri Tapaz, Capiz ang tul-an sang tawo alas 9:00 sang aga, sadtong nagligad nga adlaw.
Ini ang positibo nga ginkilala sang pamilya nga amo si Joshua Camaring, 23-anyos sang nasambitan nga lugar.
Suno sa amay sang biktima, ulihi nakit-an ang iya anak sang Disyembre 23 sang nagligad nga tuig 2017 sang naglaong ini nga magkadto sa talamnan sang saging kag kape agud nga magpanghawan.
Kumbinsido ang pamilya sini nga nagpanginmatay ang biktima, matapos nga nakit-an sa lugar ang pisi nga ginapatihan gingamit sini sa pag-utas sang iya kabuhi.
Dugang sa pahayag sang amay sini nga si Antonio Camaring, nadiskubrehan nila nga may ginbilin nga sulat nga kasubong nagapamaalam ang ila anak antes ini naglakat.
(Photo from Pulis Tapaz)

Facebook Comments