Panit-an, Capiz – Arestado ang isa ka lalaki nga matapos ini ang nagsulong kag nagtuga sang gamo sa poluy-an sang anay misis sini sa Brgy Salocon, Panit-an, Capiz ala 1:40 sang hapon.
Magapangatubang sang kaso nga paglapas sa Batas Pambansa Bilang 6 ukon BP 6 kag Comelec Gun Ban ang suspek nga nakilala kay Renante Clavero y Daliva sang Brgy. Adlawan, Roxas City matapos ini ang nakuhaan sang duha ka kutsilyo nga nagalaba sang 10 kag 12-pulgadas.
Nahibaloan nga separado na si Renante kag Mildred Clavero kag may yara na sang tagsa ka mga pamilya.
Antes sini, nagtuga sang kahadlok ang nasambitan nga pagsulong sang suspek kabangdanan nga nagpanawag sang responde sa kapulisan ang mga residente sa pagpati nga may yara sang dala nga armasluthang si Renante Clavero. Apang sang ini ang naaraestar, duha ka kutsilyo ang narekober sa iya.
Sa subong yara nakahunong sa karsel sang Panit-an PNP ang amo nga suspek.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
